तामिळनाडूमधल्या तंजावूर जिल्ह्यात कावेरी नदीच्या तीरावर ८ शिव मंदिरे आहेत जी साधारण १००० वर्षांपूर्वी बांधली आहेत. ह्या सर्व स्थळांमध्ये भगवान शिवांनी असुरांचा, वाईट शक्तींचा तसेच अहंकार, हिताच्या गोष्टींकडे दुर्लक्षता, अनियंत्रित कामवासना, मृत्यूचे भय अश्या नकारात्मक वृत्तींचा संहार केला आहे म्हणजेच वीरकृत्ये केली आहेत. ह्या वीरकृत्यांचं स्मारक म्हणून हि शिव मंदिरे बांधली. म्हणून ह्या स्थळांना एकत्रितपणे अष्ट विराट्ट स्थलंगल असं संबोधलं जातं. उदारहर्णार्थ एके स्थळी भगवान शिवांनी श्री ब्रह्मदेवांचा शिरच्छेद केला आणि त्यांना पुनर्जीवित पण केलं. श्री ब्रह्मदेव हे सृष्टीचे जनक असल्याकारणाने त्यांच्या मध्ये अहंकारासारख्या नकारात्मक वृत्तींचा अभाव असणे जरुरीचे आहे. म्हणूनच भगवान शिवांनी त्यांचा शिरच्छेद म्हणजेच अहंकाराचा नाश केला आणि त्यांना परत कार्यरत केलं.
ह्या घटना दर्शवितात कि अहंकारासारख्या वृत्ती मग त्या कोणातही उद्भवोत पण त्यांना शिक्षा हि होणारच.
ह्या सर्व शिव मंदिरांमधल्या भगवान शिवाच्या मूर्त्यांना संहारमूर्ती म्हणतात.
पुढील तक्त्यामध्ये ह्या आठ मंदिरांची संक्षिप्त माहिती देत आहोत. येणाऱ्या सप्तांहांमध्ये ह्या प्रत्येक मंदिराची सविस्तर माहिती आम्ही प्रकाशित करण्याचा प्रयत्न करणार आहोत.
अस्वीकरण आणि शिष्टाचार (Disclaimer and courtesy):
ह्या लेखांमधली माहिती संकलित करताना विविध आचार्यांचे उपन्यास, दक्षिण भारतातील काही नियतकालिके, तसेच इंटरनेट वरील विविध ब्लॉग्स आणि वेबसाईट्स ह्यांचा आधार घेतला आहे. आपल्याला ह्या लेखांमध्ये काही त्रुटी आढळल्यास आम्हाला जरूर कळवा.
No comments:
Post a Comment