हे चंद्रदेवाचे मंदिर आहे. साधारण १५०० वर्षांपूर्वी बांधलेले आहे.
मुख्य दैवत: कैलासनादर
अम्मन (देवी): पेरियनायकी
क्षेत्रवृक्ष: बिल्व
पवित्र तीर्थ: चंद्र पुष्करिणी
पत्ता: थिंगळूर, तंजावूर जिल्हा, तामिळनाडू
मंदिरापर्यंत पोचायचा मार्ग:
कुंभकोणम वरून थिरुवैयरुकडे जाणाऱ्या रस्त्यावर साधारण ३३
किलोमीटर्सवर हे मंदिर आहे. थिरुपळनं पासून २ किलोमीटर्सवर आहे.
ठळक वैशिष्ठ्ये:
पुरत्तासी (सप्टेंबर-ऑक्टोबर) आणि पंगूनी (मार्च-एप्रिल) ह्या महिन्यांमध्ये
चंद्राची किरणे मूर्तीवर पडतात. चंद्रदेवाचे इथे स्वतंत्र देवस्थान आहे जिथे
चंद्राची विशेष पूजा केली जाते.
चंद्र मंदिराचा इतिहास:
पुराणातील कथांनुसार चंद्र हा अतिशय सुंदर होता. त्यामुळे अर्थातच
बऱ्याच मुलींना त्याच्याशी लग्न करण्याची इच्छा होती. प्रजापतीला २७ सुंदर
मुली होत्या ज्या चंद्राच्या सौन्दर्यावर मोहीत झाल्या होत्या. त्या सगळ्यांनी
चंद्राबरोबर लग्न केलं. त्या सर्वांमध्ये चंद्राचं रेवतीवर जास्त प्रेम जडलं. पण
त्यामुळे बाकी सर्व पत्नी आणि त्यांचा पिता प्रजापती हे चंद्रावर रुष्ट झाले.
प्रजापतीने चंद्राला शाप दिला कि त्याच्या सर्व १६ कला एक एक करून
प्रत्येक दिवशी नाश पावतील. चंद्र शंकराला शरण गेला आणि शंकरांच्या
आज्ञेनुसार त्याने तपश्चर्या केली. त्याने स्वतः एक तीर्थ बनवलं. त्या तीर्थामध्ये
स्नान घेऊन त्याने भगवान शंकराची पूजा केली. भगवान शंकर चंद्रावर
प्रसन्न झाले आणि त्यांनी चंद्राला वरदान दिलं कि त्याच्या कला
वैकल्पिकरित्या (अल्टरनेट) विकसित (शुक्ल पक्ष) आणि अविकसित
(कृष्ण पक्ष) होतील. त्यातूनच शुक्ल आणि कृष्ण पक्ष निर्माण झाले.
मंदिरात साजरे होणारे सण:
- अमावस्या, कृत्तिका नक्षत्र, पौर्णिमा, महाशिवरात्री आणि आर्द्रा दर्शन या दिवशी इथे विशेष अभिषेक केला जातो.
- पंगूनी उत्तरम सण
- कार्तिकेय सण
No comments:
Post a Comment